“ATV Səhər” proqramının yayımı yenidən dayandırılıb. Proqramın aparıcısı, telekanalın ictimai-siyasi məsələlər və ictimaiyyətlə əlaqələr departamentinin rəhbəri Turan İbrahimovun işindən kənarlaşdırılmasi məsələsi müzakirə olunur. Mediazona-ya adı çəkilməyən mənbədən daxil olan məlumata görə, hazırda ATV telekanalında təcili və xüsusi iclas keçirilir. Verilən məlumata görə, MTRŞ-nın sədri Nuşirəvan Məhərrəmli də iclasdadır.
Dəfələrlə kanal rəhbərliyindən Turan İbrahimovun və digərlərinin efirdən kənarlaşdırılması tələb olunsa da, bu tələbə məhəl qoyulmayıb.
Telekanalın rəhbəri Vüqar Qaradağlının indiyə qədər verilən tövsiyyələri nəzərə almaması, özünün kanalda rəhbər kimi qalıb-qalmamasını sual altına alıb. Turan İbrahimovun konkret olaraq hökumətin TV siyasətinə qarşı çıxması, iqtidarın gördüyü işlərə, apardığı siyasətə kölgə salması bağışlanmaz həddə çatıb. Onun televiziya efirindən kimlərinsə maraqlarıni bilərəkdən tənqid etməsi əməlli-başlı səs-küyə səbəb olub. Efirdə isə bu yolverilməz hərəkətdir.
