Türkiyənin Balıkəsir şəhərinin Edremit yaşayış məntəqəsində məktəbə gedən ana və qızına qarşı silahlı basqın olub. Hadisə zamanı 7 yaşlı qız yerindəcə keçinib, ana isə ağır yaralanıb.
Türkiyə mətbuatının məlumatında deyilir ki, məktəbli qız Zeynəb Çeliksoy anası Zəliha Çeliksoyla səhər dərsə getmək üçün evdən çıxmış, az sonra küçənin ortasında silahlı basqına məruz qalmışlar. Silahlı basqını törədən şəxsin kimliyinin əvvəlcə yalnız ad və soyadının baş hərfi M.S.M məlum olsa da, sonradan onun Zəliha Çeliksoyun yaxın tanışı olduğu ortaya çıxıb.. Əslində hədəf ana olmalı imiş.
Lakin ayaqlarından yaralanan ananı qızı qucaqlayarkən, digər güllələr qızın başından və bədən nahiyyələrinə dəyərək, həyatına son qoyub. Yaralı qadın Təcili Yardımla Edremit Dövlət Xəstəxanasına aparılıb. Edremit polisi, caninin yaxalanması üçün əməliyyatlara başlayıb.
