Erməni ordusunun qaçdığı rəsmən etiraf olundu

Еrməni ordusu daha çox itki verməyin qarşısını almaq üçün geri çəkilmək məcburiyyətindədir.

Bu barədə qondarma respublikanın prezidentinin mətbuat katibi Vaqram Poqosyan özünün “Facebook” səhifəsində bildirib. O, artıq qurban verməkdən və itkilərdən yayınmaq üçün bölgələri tərk etdiklərini etiraf edib.

Poqosyan cəbhədəki acı məğlubiyyətlərini taktiki gediş adı ilə ört-basdır etməyə də calışıb.

Ekspertlərin fikrincə, cəbhədə saysız itki verən düşmənin hərbi qüvvəsi tükənmək üzrədir.