“Moskvanın Qarabağ məsələsi ilə bağlı Bakı və Ankarayla əlaqələr üzrə çatışmazlıq yoxdur, dialoq daim və yüksək səviyyədə aparılır”.

Bu barədə Rusiya prezidentinin mətbuat katibi Dmitri Peskov deyib.

Onun sözlərinə görə, əksinə, Xarici işlər naziri Sergey Lavrov Azərbaycandan və Türkiyədən olan həmkarları ilə daimi əlaqədədir.

Dmitri Peskov əlavə edib ki, Rusiya prezidenti Vladimir Putinin hələlik İlham Əliyevlə və Rəcəb Tayyib Ərdoğanla danışmaq barədə dəqiq planı yoxdur.

Kadr arxasında Vladimir Solovyov bildirir ki, Qarabağ münaqişəsinin nizamlanması ilə bağlı digər ölkələrin rəhbərləri Vladimir Putinə daim zəng vururlar. Kadrlardan görünür ki, Vladimir Putin zənglərə cavab vermir. Müxbir Prezidentin mətbuat xidmətinə istinadla deyir ki, zəng vuran Paşinyandır.