Xəbər  verildiyi  kimi  Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.

Şəxsi heyət və tank bölmələrimiz raket-artilleriya qoşunlarının bölmələri, cəbhə aviasiyası və pilotsuz uçuş aparatlarının dəstəyi ilə Ermənistan silahlı qüvvələrinin ön xətdə və müdafiənin dərinliyində yerləşən xeyli sayda canlı qüvvəsi, hərbi obyektləri və döyüş texnikasını aşkar edərək məhv edirlər.

Son  məlumatlara  görə  Ermənistan  təşviş  içindədir  və  artıq ölkədə  etiraz  səsləri   də   eşidilir.Azərbaycanda  isə  ayrı-ayrı  siyasi  qüvvələr, fərdi  vətəndaşlar Azərbaycan  Ordusuna, Ali  Baş  Komandan  İlham  Əliyevə  dəstək  bəyanatları  verirlər.

Milli  Vəhdət  Partiyasının sədri, “Olaylar” İnformasiya   Agentliyinin  rəhbəri  Yunus  Oğuz   bildirib  ki , indi  ölkənin, dövlətin  çox   həssas   məqamıdır.  İndi  siyasi, mənəvi  və  əqidə  mövqeyi  yalnız   dövlətin  və   onun  rəhbəri, Ali  Baş  Komandan  İlham  Əliyevin  istiqamətə  yönəlməli, siyasi  mənsubiyyətindən  asılı  olmayaraq  hamı onun  ətrafında  birləşməlidir.   Yunus  Oğuz  bildirib  ki, həm  partiya  rəhbəri,  həm  media  kapitanı,  həm  də  sıravi  vətəndaş  kimi  Ali  Baş  Komandanın əmrinə  hazırdır!   Biz  birlikdə  güclüyük!