Türkiyədə zəlzələ baş verdi

Türkiyənin Van şəhərində zəlzələ olub.

Özalp rayonunda 5,4 bal gücündə yeraltı təkanlar qeydə alınıb.

Zəlzələnin şiddəti Vanın mərkəzi və ətraf rayonlarında hiss edilib.

Daxili İşlər naziri Süleyman Soylu təbiət hadisəsindən sonra tvitterindən açıqlama verib: “Vanda yerli vaxtla 13:03-də meydana gələn zəlzələ nəticəsində Özalpın mərkəzində fəsad olmayıb. Kəndlərə də baxış keçirilir. Bu ana qədər kəndlərdən sadəcə birində ev dağılıb”.

Türk seysmoloq Süleyman Pampal “CNN Türk”ün canlı yayımında bildirib ki, bugünkü zəlzələ 2011-ci ildə baş verən dəhşətli zəlzələ ilə eyni məkanda meydana gəlib: “Vanın bu bölgəsi 5-7 bal gücündə zəlzələ yaradacaq potensialdadır. Bölgədə evlərin kərpic və ənənəvi materiallardan tikilməsi fəsad və tələfatın böyüməsinə gətirib çıxara bilər”.

Maraqlı xəbərləri Mediazona.az Facebook səhifəmizdən izləyin.

—————————————————————————————————————————————————

DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21  WHATSAPP