Azərbaycan Respublikasının Prezidenti yanında Qeyri-hökumət Təşkilatlarına Dövlət Dəstəyi Şurasının yardımı ilə “Qadın və Cəmiyyət vətəndaş Maarifçiliyi” ictimai birliyi ” Əhalinin həssas qruplarının Azərbaycanın görməli yerlərinə səyahətlərin təşkili” layihəsi çərçivəsində İsmayıllı rayonunun tarixi yerlərinə səyahət təşkil edib.Həssas qruplar İsmayıllı rayonunun bir sıra kəndlərində olublar.
Lahıcda tarixi keçmişimizi, mədəniyyətimizi əks etdirən yerlərlə tanış olublar.
Azərbaycanın Milli Qəhrəmanı Tofiq Hüseynovun qızı Yasəmən Hüseynova: “Çox maraqlı səfərdi. İnsan bir anlıq keçirdiyi, yaşadığı sarsıntılardan kənar qalır. Buradan ümidlə ayrılacam.İnanacam ki, hər şey yaxşı olacaq .Bu səfəri təşkil etdiyinə görə layihə rəhbəri Şəbnəm Rəfaelqızına minnətdaram. Bu əslində dövlətimizin həssas qrupların psixoloji durumunu artırması üçün bir dəstəkdir.Dövlətin qayğısıdır”.
Sabir Mirzəyev, aprel şəhidi Mahir Mirzayevin atası: “Bu turda ailəlikcə iştirak edirik.Çox maraqlı yerləri gəzdik.Bir qədər dərdimizdən kənar qaldıq. Unudulmadığımıza görə minnətdarıq.Dövlət Dəstəyi Şurasına da minnətdarıq ki, belə bir layihəni maliyyələşdirib”.
Səfər çərçivəsində həssas qruplara iki dəfə çay- şirniyyat və yemək süfrəsi verilib.
Layihədə KİV və QHT nümayəndələri iştirak ediblər.MediaZona.Az
