Bölgələrdə insan alverinin qarşısının alınması üçün maarifləndirmə işləri aparılır

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə Sosial İqtisadi İnkişafa Dəstək İctimai Birliyi “Məcburi əməyə və insan alverinə qarşı mübarizə mövzusunda seminarların təşkili və monitorinqlərin aparılması” layihəsi çərçivəsində Qəbələ və Oğuzda seminarlar keçirib. Tədbiri giriş sözü ilə açan təşkilatın sədr müavini Anar Məhərrəmov mövzu, proqram haqqında məlumat verdikdən sonra çıxış üçün sözü layihə rəhbəri Ümüdvar Həsənova verib. Ümüdvar Həsənov İnsan alverinin qurbanları haqqında, Azərbaycan Respublikasının İnsan alverinə qarşı mübarizə haqqında Qanunu, xаricə gеtmək istəyənlər üçün təhlükəsizlik plаnı, İnsan alverinin qarşısının alınması sahəsində QHT-lərlə əməkdaşlığın əhəmiyyəti və s. kimi əhəmiyyətlə məsələlər barədə maarifləndirici məlumatlar və bir sıra məsələlər haqqında geniş məlumat verib. Tədbirin sonunda iştirakçıları maraqlandıran mövzular ətrafında müzakirələr aparılıb.