Bu dəfə səsverməyə Hüseyn Əzizoğlu çıxıb. O, hədəfinin Pərvin Abıyeva olduğunu deyib. Bundan sonra mübahisə başlayıb.
Hüseyn Əzizoğlu aktrisa haqqında danışarkən, “P.Abıyeva saman altından Pepsi-Cola keçirir”, deyib. Bu zaman verilişdə canlı efir yenidən kəsilib və araya reklam salınıb. Bir neçe saniyə sonra yenidən canlı yayım davam edib. Buna səbəb isə Abıyevanın vaynerə “mən yox, sənin “maman”dı buradan hamını yola salan”, söyləyib. Onun sözləri isə Hüseyn Əzizoğlunu özündən çıxarıb. Lakin aktrisa müğənni Roza Zərgərlini nəzərdə tutduğunu bildirib.
Zərgərli isə “Pərvin, inşallah toyun olar, sənin də övladın doğular. Mənim 4 uşağım var. Biri bioloji, 3-ü saxladığımdır. Hüseyni balalarımdan ayırmıram. Kaş, Allah sənə də Hüseyn kimi övlad qismət etsin”, deyib.
Hüseyn isə ona sadə xalqın 60 qəpiklik səs göndərdiyini, Pərvinə isə dəstək olanların imkanlı şəxslər olduğunu iddia edib. Pərvin Hüseyni “sən ətək altında gizlənirsən”, deyə təhqir edib.
Gərgin keçən oyunda Hüseyn səs çoxluğu ilə irəli çıxaraq, hamının gözlədiyi hədəf Pərvini deyil, Abbas Bağırovu şoudan uzaqlaşdırıb.
https://www.youtube.com/watch?v=mnKQEyc2O7M
