Soljeniçinə qarşı ETİRAZ

Rusiyanın Rostov şəhərində yazıçı, Nobel mükafatı laureatı Aleksandr Soljeniçinə xatirə abidəsinin qoyulmasını yerli sakinlər etirazla qarşılayıb. “Fəal rostovlu” hərəkatının apardığı sorğular göstərir ki, şəhər sakinlərinin 72 faizi abidənin qoyulmasının əleyhinədir. Abidənin qoyulması ideyası hələ 20 il əvvəl var idi.

Soljeniçin Rostovda yaşamış, burada universitet bitirmiş, məktəblərdən birində riyaziyyat müəllimi işləmişdi. 2018-ci ildə yazıçının 100 yaşı tamam olur. Etirazlar bununla bitmir. “Zamanın nəbzi” kommunist hərəkatı iki gün öncə piket keçirərərk, abidənin qoyulmasına qarşı yerli sakinlərdən imza toplayıb.

Onların fikrincə , satqına bu şəhərdə yer yoxdur. Qeyd edək ki, buna bənzər hadisə Vladivostok şəhərində də olmuşdu. Soljeniçinə abidə qoyulduqdan bir neçə gün sonra sakinlərdən biri onun yaxasından “iuda” sözü yazılmış lövhə asmışdı. Xatırladaq ki, Soljeniçin bir vaxtlar Azərbaycana qarşı qərəzli çıxışları ilə də xalqımızın nifrətini qazanmışdı./Mediazona.az