Birləşmiş Millətlər Təşkilatının (BMT) Afrinə qarşı hava hücumlarında mülki vətəndaşların öldüyü barədə xəbərlərdən narahat olduğu bildirilib.
Bu barədə BMT baş katibinin mətbuat nümayəndələrindən Farhan Haq açıqlama verib. Haq “BMT Afrin ətrafındakı hücumların nəticəsində mülki vətəndaşlar və qaçqınlar arasında zərərçəkənlərin olduğu istiqamətindəki xəbərlərdən narahatlıq duyur. Hücumlar, həmçinin mülki infrastruktura təsir göstərib. Dünən Şeyx, əl-Haddid və Kobali kəndlərinə hücumlarla bağlı xəbərləri eşitdik.
Xəbərlərə görə, qadın və uşaqlar da daxil olmaqla bir neçə nəfər öldürülüb”, – sözlərini qeyd edib. YPG-nin bəzi qaçqınların qarşıdurmanın baş verdiyi yerləri tərk etməsinə mane olduğunu bildirən Haq “BMT bütün tərəfləri və onlar üzərində təsirə malik hər kəsi vətəndaşlara qoruma, hərəkət azadlığı və ayrıca təcili lazım olan humanitar yardımı təmin etməyə çağırır”, – deyib.
