Qaynarinfo xəbər verir ki, “Padmavati” adlı film sərt təhdidlər və təhlükəsizlik tədbirləri altında yayıma başlayıb.

Filmin ssenarisində hind kraliçası Hindistanın ən böyük kasstalarından Racputun üzvüdür. Amma Racput qadınları film yayıma başayarsa, özlərini yandıracaqlarını açıqlayıblar.

Filmin baş rol ifaçısı, aktrisa Deepika Padukone ölüm təhdidləri ilə üz-üzədir. Hətta onu öldürənə böyük məbləğdə mükafat vəd olunub.

Filmin çəkilişləri zamanı da yaracıdı qrupa və aktyorlara qarşı hücumlar olub. Hətta bəzi çəkiliş setləri ləğv edilmişdi.

Bəzi əyalət rəhbərləri filmin yayımının dayandırılması üçün məhkəmələrə müraciət ediblər. Lakin Yüksək Məhkəmə Gucerat, Racastan, Madhya Prades və Haryana əyalətlərində filmin yayımına qoyulmuş qadağanı ləğv edib.

Qeyd edək ki, XIV əsrdəki hadisələri əks etdirən “Padmavati” filmi , özünü öldürməyi seçən cəsur və gözəl Racput kraliçasının həyatından bəhs edir. Rejissor Sanjay Leela Bansali filmin əsas xarakterləri arasında romantik münasibətlər varmış kimi tarixi təhrif etməkdə suçlanır.