“Anam evlilik verilişinə çıxanda mənə nə tənqid yaza bilərdilər ki? Mən Sədaqət Dadaşova deyiləm ki. O, mənim anamdır. Onun öz işidir, özü bilər. Mən sadəcə özümə cavabdehəm. Mən sabah heç öz oğluma da cavabdeh ola bilməyəcəm. Çünki böyüyəcək, deyəcək ki, elə yox, belə istəyirəm. Mən də sadəcə onu yönləndirə biləcəm. Anam ora başqa bir məqsədlə getmişdi. Çünki o, aktrisadır. Sadəcə, veriliş üçün bir ssenari yazılmışdı, reytinq üçün. Əslində, o, Zuhal Topalın özü həyasızın biridir. Anamın məqsədi ərə getmək deyildi. Sadəcə, ssenariyə uyğun belə də olmalı idi. Burada başqa söhbət ola bilməz”.

Qeyd edək ki, xalq artisti Rafael Dadaşovun keçmiş həyat yoldaşı, xalq artisti Brilliant Dadaşovanın bacısı Sədaqət Fox TV-də yayımlanan “Zuhal Topalla” evlilik proqramına qatılmışdı.