ABŞ prezidenti Donald Trampın Qüdslə bağlı qərarını rəsmi Tel-Əviv alqışlayıb.
Mia.az xəbər verir ki, ABŞ prezidentinin Qüdsü İsrailin paytaxtı kimi tanımasına bütün dünya etiraz etsə də, İsrailin baş naziri Netanyahu buna biganə olduqlarını gizlətməyib.
O, Trampın qərarını “Cəsur və gecikmiş qərar” adlandırıb: “Biz buna görə Trampa və Amerika xalqına təşəkkür edirik. Eyni zamanda, İsraildə səfirlikəri olan bütün ölkələri də səfirliklərini Qüdsə köçürməyə çağırırıq”.
Qeyd edək ki, başda BMT və Avropa Birliyi olmaqla, Almaniya, Fransa, İngiltərə, Çin və digər Avropa ölkələri ilə yanaşı, demək olar bütün müsəlman dövlətlri də gecəylə bəyanat yayaraq, Trampın qərarını tanımadıqlarını rəsmən bildiriblər. Əlavə olunub ki, bu qərar həm beynəlxalq təhlükəsizliyə, həm də BMT qərarına hörmətsizlikdir.
