İtaliyanın “Olimpik” stadionunda keçirilən “Roma” – “Qarabağ” oyunu 1:0 hesabı ilə meydança sahiblərinin vurduğu yeganə qolla başa çatdı. Görüşdə İtaliya təmsilçisi Dieqo Perotti fərqləndi.
Oyunun birinci hissəninin ilk dəqiqələri kəşfiyyat xarakteri daşıyıb. 14-cü dəqiqədə “Roma”nın futbolçusu Kostas Manolasın güclü zərbəsini “Qarabağ”ın qapısından keçirməyi bacarıb.
Növbəti təhlükəli vəziyyəti isə görüşün 22-ci dəqiqəsində “Qarabağ”ın oyunçusu Dino Ndlovu yaradıb. Hücumçunun güclü zərbəsinə baxmayaraq top qapıdan keçməyib.
İlk hissəsinin sonunadək “Roma” futbolçuları Ağdam təmsilçisinin qapısı qarşısında təhlükəli vəziyyətlər yaratsalar da, İbrahim Şehiçin möhtəşəm oyunu görüşdə hesabın açılmasına imkan verməyib.
“Roma” futbolçuları ikinci hissəyə daha fəal başlayıblar. Görüşün 53-cü dəqiqəsində İtaliya təmsilçisi istəyinə nail olub. Dieqo Perotti İbrahim Şehiçin səhvindən yararlanaraq oyunda hesabı açıb. Görüşün 83-cü dəqiqəsində “Qarabağ”ın futbolçusu Miçelin başı ilə zərbəsində bir az dəqiqlik çatmayıb. Komandaların cəhdlərinə baxmayaraq oyunun sonunadək hesab dəyişməyib.
Beləliklə,”Roma-Qarabağ” oyunu 1-0 hesabı ilə başa çatsa da, əslində “Qarabağ”ın qələbəsi hesab oluna bilər.
“Qarabağ” klubu bununla da, UEFA Çempionlar Liqasında mübarizəni dayandırdı.
