Qətərdən İndoneziyaya uçan təyyarədə maraqlı hadisə baş verib.
Təyyarədə olan bir xanım yanında yatan həyat yoldaşının barmaq izi ilə onun telefonunu açıb. Telefonda ərinin bir başqa qadınla əlaqədə olduğunu görən xanım, yoldaşının ona xəyanət etdiyini bildirib və onu vurmağa başlayıb. Əsəbi qadını sakitləşdirə bilməyincə, təyyarə məcburi Hindistana eniş edib. İranlı cütlük mübahisə zamanı yanlarında oturan uşaqları ilə birlikdə Hindistanda təyyarədən endirilib, daha sonra təyyarə İndoneziyaya doğru hərəkət edib. Cütlüyün Hindistan vizası olmadığı üçün burada nəzarətdə saxlanılıblar. Qadının əsəbi keçdikdən sonra, üçlük Qətərə geri gedən təyyarələrdən birinə miniblər.
Qeyd edək ki, Hindistandakı uçuşlarda qəzəbli sərnişinlər getdikcə böyük bir problem yaradır və bunu aradan qaldırmaq üçün yeni qanunun tərtib edilməsi gündəmdədir.
Xatırladaq ki, daha öncə hindli bir millət vəkili təyyarədəki davranışına görə ölkədəki bütün uçuşlardan müəyyən müddətə qədər məhrum edilmişdi.
