Azərbaycan şahmatçıları Avropa çempionatında Rusiya komandasını məğlub ediblər

Oktyabrın 5-i Krit adasında (Yunanıstan) şahmat üzrə Avropa komanda çempionatının 8-ci turu keçirilib.

Trend-in məlumatına görə, bu turda Azərbaycanın kişi şahmatçılarından ibarət yığmasının rəqibi Rusiya komandası olub.

Rusiya komandasına qarşı mübarizədə Aleksandr Qrişyuk – Şəhriyar Məmmədyarov, Yan Nepomnyaşiy – Teymur Rəcəbov, Maksim Matlakov – Arkadi Naydiç və Daniil Dubov – Rauf Məmmədov cütlükləri qarşılaşıblar.

Aleksandr Qrişyuk – Şəhriyar Məmmədyarov, Yan Nepomnyaşiy – Teymur Rəcəbov, Daniil Dubov – Rauf Məmmədov cütlüklərində həmyerlilərimiz qələbə qazanıblar, Maksim Matlakov – Arkadi Naydiç cütlüyündə isə rusiyalı şahmatçı qalib gəlib – 1:3.

8 turdan sonra Azərbaycan komandası çempionata liderlik edir (13 xal), 2-ci və 3-cü yerləri isə Rusiya ilə Ukrayna bölüşürlər (hərəsi 12 xal).