Mikayıl Cabbarov istəyinə nail oldu – Hafiz Hacıyev

“Cinayət işi açılmalıdır, Təhsil Nazirliyi tam tərkibdə istefaya getməlidir” – Tələb

“Mikayıl Cabbarov və onun komandası elədiyini elədi. Artıq bütün erməni diasporu dünyaya car çəkir ki, Azərbaycan tarix dərsliyində “Böyük Ermənistan” faktını qəbul edib”.

Bu fikirləri MMP sədri Hafiz Hacıyev səsləndirib. Onun sözlərinə görə, dərslikdə buraxılan səhv deyil, əsl təxribatdır. Partiya sədri təəssüflə onu da qeyd edib ki, təhsil naziri və onun yarıtmaz komandası bu təxribatı ilə düşmənin əlinə böyük bir əsas verib:

“Nə olsun ki, Mikayıl Cabbarova kimsə dəstək verir? Kiminsə dostudur deyə, milli maraqlarımıza zidd fəaliyyətinə göz yummalıyıqmı? Adamın özündə də düşüncə olmalıdır. İstefa verib getməlidir. Tarix İnstitutunun direktoru Yaqub Mahmudov haqlıdır. Bu qədər mütəxəssislər ola-ola Təhsil Nazirliyi nəyə görə naşı adamlara dərslik kimi strateji məsələni tapşırır? Bu ciddi suallardır, Mikayıl Cabbarov buna cavab verməlidir”.

Partiya sədri onu da nəzərə çatdırıb ki, tarix dərsliyində olan həmin təxribata görə cinayət işi açılmalıdır.
“Bundan əlavə, Təhsil Nazirliyinin rəhbərliyi tam tərkibdə istefaya getməlir. Gərək Prezident bunları işdən çıxarsın? Özlərində utanc hissi yoxdurmu? Niyə abırlarına qısılmırlar?. Bacarmırsınız, millətə başqaxıncısınız, prezidentə əlavə yüksünüz, odur ki, abrınız-həyanız olsun, çıxın gedin”. Mia.az