Leyla Yunusda psixi problemlər baş qaldırıb

Normal ağlı, düşüncəsi olan adam Suriyanın taleyini heç düşmən ölkəyə belə arzulamaz

Hüquq müdafiəçisi çətiri altında ölkəmizin qanına susamış üzdənirqlırdan yaxa qurtarmaq elə də asan məsələ deyil. Zatı, kökü, qanı korlanmış məxluqlar zombiyə dönüb çörəyini yediyi, suyunu içdiyi ölkəyə arxadan zərbə vurmaqdan ləzzət alırlar. Qozbeli qəbir düzəltdiyi kimi belə naqisləri də pis əməllərdən çəkindirmək mümkünsüz cəhddir. Belələri öz əməlləri ilə deyirlər: “mən pis adamam, öldürün məni, mən düzələn deyiləm”. Sülh və Demokratiya İnstitutunun direktoru Leyla Yunus və yoldaşı Arif Yunus azadlığa çıxdıqdan sonra səhhətlərində yaranan problemlərlə (?) bağlı ölkədən kənarda müalicə almaq istədilər. Müxtəlif instansiyalardan rədd cavabı aldıqdan sonra Ali Məhkəməyə müraciət edən cütlük istəyinə nail oldu və onlar Hollandiyaya yolandılar. Ölkədən kənara çıxan kimi yunusların antiAzərbaycan təbliğat maşını işə düşdü. Bu qəbildən olan çıxışlarını Leyla Yunus 8-10 oktyabrda Çexiyada keçirilən “Forum 2000″də davam etdirib. O, Qərb dövlətlərinə müraciət edərək, Azərbaycana qarşı “Suriya praktikası” tətbiq etməyə çağırıb. Ölkə əleyhinə xaricdə bu cür antitəbliğat aparan birinin Azərbaycan vətəndaşlığında qalmasına lüzum varmı? Milli Məclisin Hüquq siyasəti və dövlət quruculuğu komitəsinin üzvü Çingiz Qənizadə deyib ki, qanunvericilikdə bu cür davranışlara görə vətəndaşlıqdan məhrumetmə nəzərdə tutulmayıb: “Leyla Yunus və onun kimilərin hansı dövlətlərə və hansı məqsədlərə qulluq etdiyi hamıya bəllidir. Mən hesab edirəm ki, insanların bu cür fikirlərinə görə vətəndaşlıqdan məhrum etsək, bu, Azərbaycanı sevməyənlərə yeni bəhanə olar və bizə qarşı ittihamlar səsləndirə bilərlər. Leyla Yunus kimi əks qütbdə olub dövlətə, millətə qarşı çalışan QHT-lərə nisbətdə daha çox həqiqətləri yayan Qeyri-Hökumət Təşkilatları ilə işləməyə üstünlük verilməlidir. QHT-lərə Dövlət Dəstəyi Şurası da Azərbaycan həqiqətlərini dünyaya çatdırmaq istəyən QHT-ləri daha çox dəstəkləməlidir. Şuranın sədri Azay Quliyev həmişə Azərbaycan dövlətinin naminə hər şey etməyə hazır olan millət vəkillərimizdəndir”. Ç.Qənizadə bildirib ki, Leyla Yunus kimiləri susdurmaq üçün daha çox çalışmaq lazımdır: “Mən xatırlayıram ki, biz bir qrup QHT nümayəndəsi Avropa Şurasında Yaqlanddan tutmuş hər kəslə görüşürdük. Amma əks tərəf də gedirdi. Bəzən də biz onlardan sonra görüşlərə girirdik. Biz onların siyahıları üzərində öz münasibətlərimizi bildirirdik. Onları inandıra bilirdik ki, siyahıda adı olanların əksəriyyətinin siyasi proseslərə, ictimai məsələlərə heç bir aidiyyatı yoxdur. Sadəcə onların içərisində həqiqətən cinayət törədənlər var. Hətta mən xatırlayıram ki, onların içərisində narkomanlar vardı. Biz onu sübut edəndə adını siyahıya təqdim etmiş şəxs özü etiraf etdi ki, bu ad-soyadı küçədə tanıdığı bir adam verib, onun sözləri əsasında bu siyahını hazırlayıblar. Məlum oldu ki, şəxs Yevlaxda narkotik vasitələrin satışı ilə məşğul olub. Bu cür adamların arqumentlərinə qarşı arqument ortaya qoya bilən qeyri-hökumət təşkilatlarının xaricdə işlək bir mexanizmə çevrilməsini təmin etmək lazımdır. Leyla Yunus və onun kimilər nə istəyirlər desinlər. Erməni dəyirmanına su tökən biri kimi nə demələrindən asılı olmayaraq, bir çox ölkələrin səfirlikləri kimlərisə maliyyələşdirir. Belə şeylər var və olacaq. Amma onlara arqument verməmək üçün daha çox işləmək lazımdır”. Gənc ziyalı Oktay Hacimusali bildirib ki, Azərbaycanda bir qrup “hüquq müdafiəçiləri” var ki, həmin hüquq müdafiəçiləri hər vəchlə ölkəmizə qara yaxmaq üçün əldən, ayaqdan gedirlər. Bunların başında dayananlardan biri də şübhəsiz ki, Leyla Yunusdur. Və həmin Leyla Yunus bu yaxınlarda oturub Praqada, Qərbə müraciət edib ki, Azərbaycan dövlətinə qarşı “Suriya modelindən” istifadə olunsun. Azərbaycanın Suriya halına gətirilməsinin ölkədə yaradacağı fəsadlar saymaqla bitməz. Amma o bu təklifdən sonra sanki Qərbin onları ciddi qəbul edəcəyini düşünüb gözləri işıldayanlara baş verəcəklərdən sadəcə birini qeyd etmək istəyirəm: “Bəllidir ki, ölkədə kənardan idarə olunan və özəlliklə son illər əməlli – başlı radikallaşan əbaöpənlər artıq siyasi proseslərə təsir etməyə cəhd göstərirlər. Bu əbaöpənlər nəyəsə nail olacaqlarmı, bu başqa bir müzakirənin mövzusudur. Azərbaycanda yaşanan şiəliyin 90 – cı illərdən bəzi antiazərbaycançı qüvvələrin dəstəyi ilə yaranan əbaöpənlərdən daha tolerant, daha belə sevimli olduğunu düşünürəm. Bunun da bəzi ciddi obyektiv və subyektiv səbəbləri var. İrandan transfer olunan əbaöpənlikdən fərqli olaraq bizim nənələrimiz, babalarımız heç də radikal olmayıblar. İndi siz düşünün, deyək ki, leylayunusların fikirləri Qərbdəki dairələr tərəfindən öz təsdiqini tapdı və bir şiə təşkilat obrazı yaradıldı. Hətta bir mollanı da tapıb oturtdular orda. Sürətlə silahlanan həmin o obraz təşkilat sizcə nəzarətdən çıxandan sonra nə olacaq? Azərbaycanda formallaşan dini tolerantlıq modelindən əsər – əlamət qalacaqmı? Dünyada qaranlıq güclərin idarə edib silahlandırdığı bütün münaqişə ocaqlarına baxın, döyüşənlərin, əli silah tutanların əksəriyyəti gənclərdir. Tanrı qorusun, sabah Azərbaycanda da yarana biləcək münaqişədə gənclərimiz qətlə yetiriləcək. İtirən biz olacağıq, dövlətimiz olacaq. Xaos və anarxiya yaradaraq bu qüvvələrin dövlətə qarşı qışqırdılması prosesinin özü belə qorxuncdur. İndi Azərbaycan dövlətçilinə qarşı kənardan idarə olunan dindarlarla ittifaq bağlayanlar bircə şeyi unudurlar: sabah o silah elə onların özünə yönəldiləcək. Çünki, bu məsələdə səmimi deyillər. Qurani-Kərim isə bunu çox gözəl açıqlayır: “Şübhəsiz ki, Allah hesab aparanların ən gözəlidir”. “Qadın Liderliyi Uğrunda” İctimai Birliyinin rəhbəri Ülkər Abdullayeva deyib ki, əgər doğrudan da Leyla Yunus belə bir fikir söyləyibsə, deməli, başını itirib: “Normal ağlı, düşüncəsi, məntiqi olan adam Suriyanın taleyini nəinki doğulub-böyüdüyü ölkəyə, heç düşmən ölkəyə belə arzulamaz. Bu yanaşma ekstremist, terrorçu yanaşmasıdır. Mənə elə gəlir ki, bu qadın isterika içindədir və əgər xaricdə kimsə onun psixi durumuna diqqət yetirmədən dediklərini ciddiyə alırsa, deməli, ya niyyəti qaradır, ya da o da Leylanın tayıdır”.