“Qarabağ” Avropa Liqasında son 10 ilin rekordunu yeniləyib – ARAŞDIRMA

“Qarabağ” UEFA Avropa Liqasında tarixi nəticəyə imza atıb.

Son 10 ildə 8-ci dəfə qrup mərhələsinə vəsiqə qazanan Ağdam təmsilçisi qitənin ikinci dərəcəli klub turnirinin rekordunu yeniləyib.

2013-cü ildən sonra heç bir komanda Avropa Liqasında bu göstəriciyə çata bilməyib.

“Köhlən atlar” daha əvvəl 2014/2015-ci, 2015/2016-cı, 2016/2017-ci, 2018/2019-cu, 2019/2020-ci, 2020/2021-ci və 2022/2023-cü illər mövsümündə sözügedən turnirin qruplarında oynamaq hüququ əldə edib.

Son olaraq, cari mövsüm qruplara qalan “Qarabağ” İtaliyanın “Latsio”, İspaniyanın “Vilyarreal”, Portuqaliyanın “Braqa” və Bolqarıstanın “Lüdoqorets” (hamısı 7 dəfə) komandalarını geridə qoyaraq, Avropa Liqasında yeni rekord müəyyənləşdirib.

Qeyd edək ki, Azərbaycan çempionu pley-off mərhələsində Sloveniya “Olimpiya”sını iki oyunun (səfərdə 2:0, evdə 1:1) nəticəsinə əsasən mübarizədən kənarlaşdırıb.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP