“Əl-Hilal”-dan PSJ-nin hücumçusu Neymara 600 milyon avro maaş təklifi
Səudiyyə Ərəbistanı “Əl-Hilal”ı PSJ-nin hücumçusu Neymarı heyətində görmək istəyir.
Klub 31 yaşlı braziliyalıya 3 illik müqavilə üçün 600 milyon avro maaş ödəməyə hazırdır.
Neymarın PSJ ilə müqaviləsi 2025-ci ilin yayına qədərdir. Daha əvvəl hücumçunun “Barselona”ya qayıtmağa hazır olduğu və klubların mümkün transfer barədə razılığa gəldiyi bildirilirdi. Ancaq diqqət çəkən məqam odur ki, “Barselona” PSJ-nin ulduz oyunçunun maaşının bir hissəsini ödəməyə davam etməsini istəyir.
Qeyd edək ki, “Əl-Hilal” daha əvvəl “Çelsi”nin sabiq müdafiəçisi Kalidu Koulibali və “Vulverhempton”un sabiq yarımmüdafiəçisi Ruben Neveslə müqavilə imzalayıb.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP