Ərəblər dünya çempionatına ev sahibliyindən İMTİNA ETDİ
Səudiyyə Ərəbistanı 2030-cu il dünya çempionatına namizədliyini geri götürüb.
Bu barədə ölkənin xarici işlər naziri Feysəl Bin Fərhan Əl Səud məlumat yayıb.
Onun sözlərinə görə, 2030-cu il dünya çempionatına ev sahibliyi etmək üçün namizədliyini irəli sürməyi planlaşdıran Səudiyyə Ərəbistanı imtina qərarı verib.
Bildirilib ki, Səudiyyə Ərəbistanı dünya çempionatına ev sahibliyi etmək üçün məşhur futbol əfsanələrini ölkəyə gətirməyi planlaşdırırdı. Hətta ölkədə bu məqsədlə klublar üçün 20 milyard avroluq transfer büdcəsinin yaradıldığı deyilirdi.
Qeyd edək ki, 2030-cu il dünya çempionatının keçiriləcəyi yer 2024-cü ilin sentyabrında müəyyənləşəcək.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP