“WhatsApp”-in yeni funksiyası spam zənglərindən qoruyacaq
“Meta” şirkəti “WhatsApp” istifadəçiləri üçün spam zənglərdən qoruyan yeni funksiyası haqda məlumat yayıb.
Şirkətin rəhbəri Zukerberq bildirib ki, “ artıq WhatsApp-da naməlum kontaktlardan gələn zənglər avtomatik olaraq susdurulacaq. Bu, istifadəçilər üçün daha çox məxfiliyə imkan yaradacaqü və onlara messencerdəki işə nəzarət etmək üçün yeni imkanlar verəcək”
Zukerberqin sözlərinə görə, messencerin parametrlərində yeni funksiyanı aktivləşdirmək mümkündür. Burada “Məxfilik” bölməsinə keçib “Zənglər” bəndini seçmək, sonra isə “Naməlum nömrələri səssizləşdirmək” seçiminin yanındakı slayderə toxunmaq lazımdır .
Naməlum nömrədən istifadəçiyə zəng edən şəxs onun zənginin görünməməsi və ya eşidilməməsi barədə heç bir bildiriş almayacaq. O, zəng səslərini eşidəcək.
Funksiyanı aktivləşdirən istifadəçi naməlum abunəçinin potensial təhlükəli zənglər haqqında belə bilməyəcək. Lakin o, naməlum nömrələrdən gələn buraxılmış zənglərin tarixçəsinə baxa biləcək. Əgər buraxılmış zəngin onun üçün təhlükə yaratmadığına qərar verərsə və ya zəng edildiyi nömrəni bilsə, geri zəng edə biləcək.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP