Bakı şəhəri,Xətai rayonu, Sarayev küçəsi 187 ünvanda yerləşən “Əhmədli Mall” paytaxtımızdakı iri ticarət mərkəzlərindən biridir. Hər gün buraya minlərlə insan müxtəlif tıcarət məqsədləri üçün gəlir.
Ticarət mərkəzi kifayət qədər böyükdür və çoxlu sayda mağazaları əhatə edir. Elə bu səbəbdən də, buraya gün ərzində girib-çıxan insanların təhlükəsizliyi bir vətəndaş olaraq hər kəsi düşündürməlidir. Çünki söhbət insan faktorundan gedirsə, ilk növbədə elə insanların təhlükəsizliyi əsas götürülməlidir.
Lakin əfsuslar olsun ticarət mərkəzində təxliyyə yolları bərbad vəziyyətdədir.Diqqət yetirdikdə,yanğınxəbərverici sistemlər gözə dəymir. Yanğınsöndürmə vəsaitləri yox dərəcəsində, mallar arasında ara məsafəsiindən isə, danışmağa dəyməz. Bu sıxlıq ora gələn insanlarda da haqlı narahatlıq yaradır. Elektrik təsərrüfatı da ürəkaçan deyil.
Bütün bunları əlaqədar təşkilatların nəzərinə çatdırırıq. İnanırıq ki, sözügedən ticarət mərkəzi həmin təşkilatların diqqətindən yayınmayacaq və öz növbəsində mərkəz rəhbərliyi bu çatışmazlıqları aradan qaldıracaq.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
