İcarə obyektində qayda pozuntuları
Bakı şəhəri, Nərimanov rayonu, Ziya Bünyadov prospekti, 1999-cu məhəllədə yerləşən ambar və icarə obyekti F.S ASC-yə məxsusdur.
Şəkillərdən göründüyü kimi, adı çəkilən ambar, icarə obyekti və onun ərazisi olduqca bərbad vəziyyətdədir. Obyektin elektrik təsərrüfatına profilaktik baxış keçirilməyib, hər hansı bir yanğın zamanı istifadə olunmalı balonlar nasaz vəziyyətdədir. Yanğın xəbər verici siqnalizasiya qurğularından söhbət belə gedə bilməz. Qeyd olunan obyektin otaqları Yanğın Təhlükəsizliyi qaydalarına uyğun saxlanılmır.
Bundan başqa, obyektin ərazisi olduqca çirkli və zibillidir. Bu isə, həm Yanğın Təhlükəsizliyi Qaydalarına, həm də ekologiyanın tələbləri ilə ziddiyyət təşkil edir.
Sadalanan faktlar yəqin ki, əlaqədar orqanların diqqətinə çatdırılacaq və belə biabırçı mənzərə haqqında təxirəsalınmaz tədbirlər görüləcək.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
