Rusiya NATO ilə savaşmağa hazırdır? – Kəşfiyyat məlumatı
“Rusiya NATO ilə müharibədən qaçmaq istəyir, lakin yüksək risklərə getməyə də hazırdır”.
Xarici mətbuata istinadən xəbər verir ki, bu barədə İsveç kəşfiyyatı məlumatlar əldə edib.
Bu ölkənin kəşfiyyat orqanına rəhbərlik edən Lena Hallin Rusiya Federasiyasından gələn hərbi təhlükədən narahatdır. Lakin o hesab edir ki, Kreml NATO ilə silahlı münaqişədən qaçmaq istəyir.
“Amma burası da deyilməlidir ki, əsas etibarilə Rusiya rəhbərliyinin yüksək riskə getməyə hazır olması ilə bağlı əhəmiyyətli qeyri-müəyyənlik var”, – Hallin deyib.
Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma “Donetsk XR” və “Luqansk XR” separatçı qurumlarını birtərəfli qaydada ilhaq etdiyini açıqlayıb.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP