Yağışlı havalarda piyadaların üzərinə palçıqlı yağış suyu sıçradan sürücülərə rast gəlinir. Belə vəziyyət vətəndaşları narahat edir və bu halların qarşısının alınmasını istəyirlər.
Bu məsələ İnzibati Xətalar Məcəlləsinin müvafiq maddəsi ilə tənzimlənir:
Maddədə deyilir ki, su və ya palçığın yolda piyadalara, binalara və nəqliyyat vasitələrinə qəsdən sıçradılmasına görə sürücülər 40 manat məbləğində cərimə olunur. Bunun üçün vətəndaş belə bir halla qarşılaşan zaman 102 xidmətinə və yol polisinin 902 xidmətinə müraciət edib, əraziyə polis çağıra bilər.
Mövzu ilə bağı Bakı Şəhər Dövlət Yol Polis İdarəsindən bildirilib ki, gölməçə olan yerlərdən sürücü ehtiyatla keçməli, sürəti minimuma endirməldir ki, yol kənarında olan piyadalara ziyan dəyməsin. Əks halda o sürücüləri cərimə gözləyir. Piyadalar hər hansı nəqliyyat vasitəsi tərəfindən su sıçradılması halına məruz qalarsa, bununla bağlı şikayət edə və həmin şəxsin cərimələnməsini tələb edə bilər.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
