Tarix Muzeyi: “Azərbaycanlı Prometey – Fərman Salmanov. Sibir neftinin kəşfi” adlı fotosərgi açılacaq
Oktyabrın 21-də Milli Azərbaycan Tarixi Muzeyinin və Xantı-Mansiysk Muxtar Dairəsi – Yuqranın büdcə təşkilatı Geologiya, Neft və Qaz Muzeyinin (Rusiya Federasiyası) birgə layihəsi çərçivəsində məşhur azərbaycanlı geoloq, geologiya-mineralogiya elmləri doktoru, Rusiya Elmlər Akademiyasının müxbir üzvü, Sosialist Əməyi Qəhrəmanı Fərman Salmanova həsr olunan “Azərbaycanlı Prometey – Fərman Salmanov. Sibir neftinin kəşfi” adlı fotosərginin açılışı olacaq.
Bu barədə Tarix Muzeyindən məlumat verilib.
Sərgidə Qərbi Sibirin Tümen vilayətində nəhəng neft və qaz yataqlarını kəşf etmiş görkəmli alimin həyat və fəaliyyətini əks etdirən 55 unikal foto nümayiş olunacaq.
Sərgiyə giriş sərbəstdir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP