Macarıstandan başlayan Tunadan Orxona İpək Yolu Rallisi ilk olaraq 2022-ci ildə türk dünyasının mədəniyyət paytaxtı Bursa şəhərinədək davam edəcək. Sonra avtomobilı karvan Azərbaycandan keçməklə Qırğızıstana istiqamətində yola düşəcək və yarış orada sona çatacaq.
Beynəlxalq Türk Mədəniyyəti Təşkilatından (TÜRKSOY) verilən məlumata görə, türk dövlətlərinin müstəqilliyinin bərpasının 30-cu ildönümünə həsr olunan yarışın iştirakçıları 9100 kilometr yol qət edəcəklər. Ümumilikdə 3,5 həftə davam edəcək Tunadan Orxona İpək Yolu Rallisində 5 ölkədən 15 avtomobil və 30 sürücü iştirak edir.
Türkiyənin Xarici İşlər Nazirliyi (XİN), Mədəniyyət və Turizm Nazirliyi, Türkiyə XİN-in Avropa İttifaqı İdarəsi, TÜRKSOY, Şərq-Qərb Dostluq və Sülh Rallisi Dərnəyi başda olmaqla 12 qurumun dəstək verdiyi layihənin iştirakçıları Türkiyənin Ədirnə, İstanbul, Əskişəhər, Ankara, Tokat, Ordu, Trabzon, Rizə və Artvin şəhərlərində mübarizə aparacaqlar.
Ralli Gürcüstan, Azərbaycan, Qazaxıstan və Özbəkistan ərazilərndən keçərək Qırğızıstanda başa çatacaq.
Qeyd edək ki, marşrut üzərindəki ölkələrin və şəhərlərin tarixi, mədəniyyəti, təbiət gözəlliklərini və turizmini tanıtmaq məqsədi daşıyan İpək Yolu Rallisi türk dünyasının mədəniyyət paytaxtı Bursanın da təbliğinə əhəmiyyətli töhfə verəcək. Layihənin əsas məqsədi mədəniyyətlərarası dialoqu təmin etməkdir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
