İngiltərədə qatarların hərəkəti iflic oldu

Britaniyada on minlərlə dəmiryol işçisi bu gün tətil edir. Buna səbəb maaşlar, iş yerləri və iş şəraiti ilə bağlı danışıqlarda nəticələrin əldə edilməməsidir.

“Yevropeyskaya pravda”-nın məlumatına görə, tətildə dəmiryolu, dəniz və nəqliyyat həmkarlar ittifaqlarının 40 min üzvü iştirak edir. Tətil edənlər “Network Rail” Dəmiryol Şəbəkəsinin işçiləri və 14 qatar operatorudur ki, onlar stansiyalarda piket keçirəcəklər.

Milli Dəmir Yolu xəbərdarlıq edib ki, çərşənbə günü dəmiryolu səfərlərinin yalnız 20%-ni yerinə yetirəcək, ölkənin bəzi bölgələrində isə ümumiyyətlə qatar işləməyəcək.

Bu tətilin əhəmiyyətli dərəcədə narahatlıqlara səbəb olacağı gözlənilir və sərnişinlərə mümkün qədər səyahəti məhdudlaşdırmaq tövsiyə olunur.

Qatarların hərəkətinin cümə axşamı səhər saatlarında işçilər öz vəzifələrinə qayıtdıqdan sonra başlayacağı gözlənilir.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin:    0 55 4 61 71 21 WHATSAPP