16 yaşlı Ruslan ABŞ-da eyni vaxtda 4 universitetə qəbul oldu
Masallının Ərkivan qəsəbəsində anadan olan, hazırda ABŞ-da yaşayan 16 yaşlı Ruslan Mikayılov Amerikanın eyni vaxtda ödənişsiz və təqaüdlü 4 məşhur universitetinə qəbul olub.
Bu barədə yeniyetmənin qohumları sosial şəbəkədə məlumat yayıblar.
9 yaşından ailəsi ilə birlikdə Amerikaya köçən Ruslan 12 illik orta məktəbi əlaçı və nümunəvi şagird kimi vaxtından əvvəl 16 yaşında yüksək qiymətlərlə bitirib.
Ruslana qəbulla bağlı dəvət göndərən universitetlər bunlardır:
1. The George Washington University
2. University of Maryland
3. University of Maryland ( UMBC)
4. Virginia Tech
Qeyd edək ki, bir neçə il öncə Ruslan ABŞ-ın sabiq prezidenti Barak Obamanın xanımı Mişel Obama tərəfindən nümunəvi şagird kimi Fəxri Fərmana layiq görülüb. Ruslanın şərəfinə onun oxuduğu məktəbdə Azərbaycan bayrağı asılıb.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP