Ottava Rusiya əleyhinə sanksiyalarının siyahısını genişləndirib

Kanadanın Rusiyaya qarşı sanksiyalar siyahısına qara metallurgiya, metal məmulatlarının istehsalı, kompüterlər, elektronika, optika, elektrik avadanlıqları və nəqliyyat vasitələri, həmçinin quru nəqliyyatı və boru kəmərləri daxil edilib.

Bundan başqa, Ottava Rusiya iqtisadiyyatının neft-qaz, kimya və maşınqayırma sektorları ilə bağlı bir sıra sənaye xidmətlərinin göstərilməsinə də qadağa qoyub.

“Yeni tədbirlər yerli kompaniyaların həmin sektorlara töhfə verməsini qadağan edir”, – deyə Kanada Xarici İşlər Nazirliyinin bəyanatında deyilir.

Xatırladaq ki, iyul ayının əvvəlində Kanada hakimiyyəti Rusiyanın bəzi vətəndaşlarına və təşkilatlarına qarşı sanksiyalar tətbiq edib. Onların arasında dövlətin bir sıra media qurumları, məmurlar, hətta Patriarx Kiril də var.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin:    0 55 4 61 71 21 WHATSAPP