Misir, Türkiyə və Səudiyyə Ərəbistanı BRİKS-ə qoşulmağı planlaşdırırlar
Qahirə, Ankara və Ər-Riyad BRİKS-ə (Braziliya, Rusiya, Hindistan, Çin, Cənubi Afrika) üzvlük üçün müraciət etməyi planlaşdırır.
Bunu BRİKS Beynəlxalq Forumunun prezidenti Purnima Anand deyib.
“Bütün bu ölkələr qoşulmağa maraq göstəriblər və üzvlük üçün müraciət etməyə hazırlaşırlar. Hesab edirəm ki, bu, yaxşı addımdır, çünki genişlənmə həmişə müsbət qarşılanır, bu, BRİKS-in bütün dünyada təsirini açıq şəkildə artıracaq”, – deyə P.Anand bildirib.
“Ümid edirəm ki, ölkələrin BRİKS-ə daxil olması çox tez baş verəcək, çünki indi qrupun bütün nümayəndələri genişlənməkdə maraqlıdırlar. Beləliklə, bu, çox tez baş verəcək”, – deyə P.Anand əlavə edib.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP