Avstriyanın Rusiyadan qaz tədarükünü dayandırması illər çəkə bilər.
Bunu Avstriyanın kansleri Karl Nehammer “OE24.TV” telekanalına müsahibəsində deyib.
Kansler hesab edir ki, Avstriyanın Rusiya qazından imtinası üçün “beynəlxalq qaz bazarında [qazın] mövcudluğundan asılı olaraq” bir neçə il lazım olacaq. Onun sözlərinə görə, Ukraynadakı hadisələr başlayandan bəri Energetika Nazirliyinin mütəxəssisləri Avstriyanın OMV neft-qaz şirkəti ilə birlikdə iki aydır ki, Avstriyanın Rusiya qazından asılılığını azaltmaq üçün çalışırlar.
“Mən sabahdansa bu gün imtina etməyi üstün tuturam – amma bu real deyil. İndi biz Almaniya, Macarıstan və digər ölkələrlə qaz embarqosuna qarşı maraq qrupu yaratmışıq, lakin eyni zamanda asılılığı azaltmalıyıq”, – deyə K.Nehammer bildirib.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP







