10 manatlıq əsginaslar yeniləndi – VİDEO
Azərbaycan Mərkəzi Bankı (AMB) 10 manatlıq pul nişanlarını yeniləyib.
Bunu Mərkəzi Bankın Baş direktoru Aqşin Vəliyev deyib.
Onun sözlərinə görə, dövriyyəyə buraxılacaq 10 manatlıq pul nişanı “Tarix” mövzusuna həsr olunub. O qeyd edib ki, Mərkəzi Bank beynəlxalq təcrübəni nəzərə alaraq, pul nişanları sahəsində ən son innovasiyalar, nano və mikro texnologiyaların tətbiqi ilə milli pul nişanlarımızın mövcud konsepsiya çərçivəsində yenilənməsini həyata keçirir.
Yenilənmiş 10 manatlıq pul nişanlarının istehsalı artıq başa çatdığından, onların üzərində Mərkəzi Bankın sabiq sədrinin imzası əks olunub. Aqşin Vəliyev bildirib ki, hazırda ölkə ərazisində istifadə edilən bütün nağd pul sistem və avadanlıqlarının yenilənmiş 10 manatlıq pul nişanına uyğunlaşdırılması proseslərinə başlanıb. Yeni pul nişanları iyunun 22-dən tədavülə buraxılacaq.
Mövzu ilə bağlı daha ətraflı videomaterialı təqdim edirik:
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP