Ukraynada baş verən müharibə səbəbilə Rusiyada fəaliyyətini dayandıran şirkətlərin sayı getdikcə artır.
Xarici media xəbər verir ki, bu şirkətlər sırasına “Microsoft”, “Samsung”, “IBM”, “PayPal”, “Adobe”, “Apple” və s. daxil olub.
“Microsoft” Direktorlar Şurasının prezidenti Brad Smit bildirib ki, şirkət əməkdaşları Ukraynada baş verən hadisələrdən şokdadırlar.
“Adobe” şirkətinin rəhbəri Şantanu Narayen şirkətin korporativ bloqunda deyib ki, “Adobe” artıq Rusiyada bütün yeni məhsulların satışlarını dayandırıb.
Qeyd edək ki, bundan sonra Rusiya vətəndaşları “Photoshop”, “Premiere Pro” və şirkətin digər məhsullarını rəsmi şəkildə ala bilməyəcəklər.
“Adobe” şirkətinin məhsullarını əldə etmiş şəxslər onlardan istifadə etməyə davam edə biləcəklər. Lakin həmin məhsullardan istifadə müddətinin uzadılması mümkün olmayacaq.
“Samsung” şirkətinə gəldikdə isə məlumata əsasən, o, öz smartfonları ilə prosessorlarının Rusiyada satışlarını müəyyən müddətlik dayandırıb.
Ödəniş sistemlərinin bəyanatlarında qeyd edilib ki, “Mastercard” və “Visa”nı dəstəkləyən bank kartları Rusiya daxilində çalışmağa davam edəcək. Lakin həmin bank kartlarından Rusiyadan kənarda istifadə etmək mümkün olmayacaq.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
