Qış Olimpiya Oyunlarında iştirak etmək üçün idmançıların təxminən 70 faizi artıq Pekinə gəlib
İdmançıların təxminən 70 faizi Qış Olimpiya Oyunlarında iştirak etmək üçün artıq Pekinə gəlib.
Bunu jurnalistlərə Beynəlxalq Olimpiya Komitəsinin (BOK) əməliyyat direktoru Pyer Dükri deyib.
Açılış mərasiminə tam hazır olduqlarını qeyd edən P.Dukri idmançıların hazırda obyektlərdə məşq etdiklərini bildirib.
Qeyd edək ki, “Pekin-2022” Qış Olimpiya Oyunlarında iştirak edəcək Azərbaycan nümayəndə heyəti də Çinə yola düşüb.
Azərbaycanı olimpiadada təmsil edəcək fiqurlu konkisürənlər – Vladimir Litvintsev və Yekaterina Ryabova isə Pekinə Rusiyanın paytaxtı Moskvadan gedəcəklər.
Xatırladaq ki, Pekin olimpiadası fevralın 4-dən 20-dən keçiriləcək.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP