Ermənistan tərəfi Antalya Diplomatik Forumunda iştirak edəcəyini təsdiqləyib.
Bu barədə Türkiyənin xarici işlər naziri Mövlud Çavuşoğlu Ankarada keçirdiyi mətbuat konfransında bildirib.
Türkiyə ilə Ermənistan arasında müzakirə olunan normallaşma prosesindən bəhs edən nazir Mövlud Çavuşoğlu deyib: “Ermənistanın xarici işlər nazirini və Türkiyə üzrə xüsusi nümayəndəsi Ruben Rubinyanı foruma dəvət etmişik. Paşinyan dəvət etdiyimiz şəxslərin Antalya Diplomatik Forumuna qatılacaqlarını söyləyib. Bundan məmnunuq. Çünki Azərbaycan da tədbirdə iştirak edəcək. Bu, eyni zamanda, etimad quruculuğu istiqamətində addımların bir parçası olacaq”.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP






