“İki gün blokda yatdığı deyilən qadında şizofreniya əlamətləri var və sığınacaqda qalmağı təhlükəlidir”.
Bunu “Təmiz Dünya” Qadınlara Yardım İctimai Birliyinin sədri Mehriban Zeynalova deyib.
O bildirib ki, ötən gecə 2 gün bolokda yatdığını bildirilən Özbəkistan vətəndaşını sığınacağa qəbul etdik:
“Xanım deyir ki, uzun müddət Özbəkistanda vergi xidmətində işləyib. Biz xanımın həyat yoldaşı ilə də əlaqə saxladıq. Xanımın əri deyir ki, ondan 7 ildir ki boşanıb. Boşandıqdan sonra xanımına kömək olmaq üçün ev tutub, işə düzəldib. İşə düzəldikdən sonra öz-özünə danışığı, qeyri-adi hərəkətlərinə görə işdən çıxarılıb. Əri bildirdi ki, həyat yoldaşında son zamanlar şizofreniya əlamətləri hiss edib. Qadın hələ də vergi orqanında çalışdığını düşünür. Həmin qadın isə Bakıya pulunu götürməyə gəldiyini deyir”.
Onun sözlərinə görə, hazırda məsələ ilə bağlı Özbəkistan səfirliyinə zəng etsələr də, telefonları açmırlar:
“Dövlət Miqrasiya xidməti və Özbəkistan Səfirliyindən xahiş edirik ki, xanımı öz ölkəsinə göndərməkdə köməklik göstərsinlər. Xanımın sığınacağımızda qalması təhlükəlidir”.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP
