Daha bir obyektdə yanğına zəmin var

Bakı şəhəri, Nərimanov rayonu,Təbriz küçəsi 24 ünvanda yerləşən, keçmiş “Qarabağ” mehmanxanasının yerində  hazırda “Eurohome” inşaat materialları bazarı yerləşir.

Bazarın bəzi obyektlərinin daxilində tərkibi yanar materiallardan olan arakəsmələr quraşdırılıb.  Burada elektrik təsərrüfatı norma və qaydalara uyğun çəkilməyib. Obyektlər yanğından mühafizə sistemləri və vasitələri ilə tam təchiz edilməyib. Ən əsası isə, dövlət orqanlarınin icazəsi  olmadan adı çəkilən bazarda qanunsuz inşa olunmuş obyektlər istismar olunur.

Ərazi  yanğın su hovuzu və hidrantlarla təmin olunmayıb. Bazarda hər hansı bir hadisə baş verərsə, insanların həyatı üçün təhlükə yaranacaqdır.

Xatırladaq ki, ötən illərdə baş vermiş bir sıra yanğın hadisələrinin səbəbi məhz  yuxarıda göstərilən tərkibi yanar materiallardan olan inşaat materiallarıdır. Görünür bazarı idarə edən sahibkara orada çalışan və ətrafda olan insanların həyatı yox, yalnız  necə olursa-olsun, təki qazanc əldə etmək maraqlıdır.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP