“44 günlük müharibənin acı nəticələri erməni beyninin özünüməhvetmə funksiyasını işə salıb”
Ermənilərin Zəfər günündən başlanmış təxribatları gündən-günə artdı. Bu təxribatların nə ilə nəticələnə biləcəyi öncədən bəlli idi. Bizə də, ermənilərə də. Buna baxmayaraq ermənilər inadlarından dönmədilər və onların xırda quldurluq cəhdləri qoşunlar arasında tam miqyaslı döyüşlərə keçdi. Qəhrəman əsgərlərimiz şəhid oldu və 10 igidimiz yaralandı. Allah şəhidlərimizə rəhmət eləsin! Onlar öz ölümləri ilə ölməzliyə qovuşdular. Yaralı övladlarımıza tezliklə sağalmağı və Vətənin müdafiəsi uğrunda şərəfli missiyalarını sonadək yerinə yetirməyi arzulayıram. Düşmən nə istəyirdi və nəyə nail oldu? Erməni mətbuatının məlumatlarına görə, 20-ə yaxın ölü, 40-dan çox yaralı, üstəlik 12 əsir. Əlbəttə, bu son deyil. Düşmən baş qaldırdığı hər an bundan daha ağır zərbə alacaq. 44 günlük müharibənin acı nəticələri erməni beyninin özünüməhvetmə funksiyasını işə salıb. Onlar təxribat da törədə bilər, terror aksiyaları da həyata keçirə bilərlər. Amma sonları məhv olub bütün tarixi Azərbaycan torpaqlarından tam və birdəfəlik silinmək olacaq.
Allah Şəhidlərimizə Rəhmət Eləsin!
Cavanşir Feyziyev, Millət vəkili
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP