“Ermənistan və Gürcüstan Türkiyə vassallarının (?) taleyi ilə qarşılaşacaq”.

Bu fikirləri Yaxın Şərq və Orta Asiyanı Araşdırma Mərkəzinin direktoru, rusiyalı politoloq, şərqşünas Semyon Baqdasarov səsləndirib.

“Türkiyə Prezidenti Rəcəb Tayyib Ərdoğan hər yerdə Ermənistanla diplomatik əlaqələrin qurulması ilə bağlı danışır, Ermənistan rəhbərliyi isə o açıqlamalara bir istək ifadə edir. Ancaq əsas məsələ “Zəngəzur dəhlizi”dir”, deyə o, qeyd edib.

“Bu, nə olan şeydir? Dəhliz Türkiyəyə nəinki Azərbaycan ərazisinə, hətta Xəzər dənizi vasitəsilə Mərkəzi Asiyaya birbaşa çıxışı təmin edəcək.

Bu, Ermənistana nə verəcək? Əslində, bu, Ermənistan Respublikası layihəsinin sonudur, çünki Ermənistanın İranla həmsərhəd olan cənub hissəsi kəsiləcək. Türkiyə nəticədə bütün ölkəyə hakim olacaq.

Yeri gəlmişkən, Ermənistan rəhbərliyinə bu mesajın Gürcüstanın Baş naziri vasitəsi ilə göndərilməsi səbəbsiz deyil. Onunla da hər şey aydındır. Acarıstandan başqa bütün Gürcüstan artıq əzilir. Ərdoğanın Batuminin Rizədən (Ərdoğanın valideynlərinin Türkiyədə doğulduğu yer) fərqi ilə bağlı məşhur sözləri artıq reallığa çevrilməkdədir”, – ekspert vurğulayıb.

Onun sözlərinə görə, Gürcüstanın taleyi yaxın gələcəkdə Ermənistanı da gözləyir.“Yüz faizzəmanət verirəm ki, önümüzdəki illərdə Türkiyə Cənubi Qafqaza tamamilə hakim olacaq, Rusiyanın bu bölgədəki iştirakı minimuma endiriləcək.
Türk və ukraynalıların Qara dəniz və Azov istiqamətlərində, o cümlədən Krım da daxil olmaqla Rusiya ərazilərində birlikdə işləyəcəkləri barədə öz strateji planları var. Bu, milli təhlükəsizliyimiz üçün böyük təhlükə yaradır ”, – deyə Baqdasarov bildirib.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP