ABŞ Dövlət Departamentinin əməkdaşları Rusiyanın San-Fransiskodakı konsulluğunun binasına müdaxilə edib. Dövlət Departamentinin rəsmisi H.Hauert bəyan edib ki, konsulluqda bir çox rus əməkdaşlarının ABŞ-da qalmaq və yaşamaq müddəti oktyabrın 1-də artıq bitib. O, daha sonra bildirib ki, onlara əvvəlcə nəzakətlə xəbərdarlıq edilmişdir. Çünki konsulluğun binasında bəzi ailələrin yaşadığı haqda məlumat vardı. Bəzilərinin ofis şəraitində yaşadığı da məlum idi. Bu səbəbdən də, onlara əşyalarını toplamaq üçün kifayət qədər əlavə müddət verilmişdi. H,Hauert “sadəcə olay bundan ibarətdir” – deyə brifinqdə məsələyə aydınlıq gətirib. O, söyləyib ki, müdaxilə zamanı “heç bir qapı və ya qıfıl sındırılmayib” . FTB-nun əməkdaşları orada olmayıblar.
Lakin, Rusiya XİN San-Fransiskodakı konsulluğa növbəti müdaxilə barədə məlumat yayıb. Nazirlik ABŞ-ın bu hərəkətinə qətiyyətlə etiraz edərək, rusların diplomatik binasının mülkiyyətinə müdaxiləni, beynəlxalq hüquq normalarının kobudcasına pozulması kimi qiymətləndirib.
