İngiltərə premyer-liqası Azərbaycanda yayınlanmayacaq

İngiltərə premyer-liqasının oyunlarının “İdman TV”də yayınlanmasına öyrəşmişik.

Lakin son vaxtlar dünyanın ən nüfuzlu çempionatını izləyə bilmirik.

Lent.az bildirir ki, “İdman TV”nin direktoru Rövşən Binnətli bu barədə “Football-plus.az” saytına açıqlamasında bunları deyib:

“Qərar belə oldu ki, müqavilə şərtləri tərəfləri razı salmadı. Ortaq məxrəcə gəlmək mümkün olmadı. Ötən mövsümün sonundan bu fikir ayrılıqları yaranmağa başlamışdı. Yeni mövsüm üçün ortaq məxrəcə gələ bilmədik deyə, əməkdaşlığımızı davam etdirə bilmədik. Premyer-liqanı bu mövsüm yayınlamaq mümkün olmadı. Növbəti “futbol ili” üçün, əlbəttə ki, istəyərik premyer-liqanı yayınlayaq. Tamaşaçıların maraqlı olduğu yarış onlara çatdırılmalıdı. Bilirik ki, İngiltərə çempionatının auditoriyası böyükdü. Heç bir telekanal istəməz ki, belə böyük auditoriyadan özünü məhrum etsin”.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP