Milli Məclisin Sədrinin İran səfəri ətrafında süni ajiotaj yaratmaq bizə başucalığı gətirmir. Xüsusən, Parlament Sədrinin geyimi və baş örtüyü kimi məsələlərin siyasi müstəvidə müzakirəsi sadəcə rüsvayçılıqdır. Ən azından ona görə ki, başqalarının inanc və düşüncəsinə hörmətlə yanaşmağın tənqid ediləcək tərəfi yoxdur. Üstəlik, nəzərə alaq ki, baş örpəyi Azərbaycan xanımı üçün yad element də deyil.
Bu fikirləri Milli Məclisin deputatı Bəhruz Məhərrəmov səsləndirib. Millət vəkili bildirib ki, konkret bayraq məsələsinə gəlincə, əlbəttə, ölkənin birinci şəxsinin səfəri olsaydı, yaxud, İranda Azərbaycanın Parlament Sədrinə eyni səviyyəli digər qonaqlardan fərqli münasibət sərgilənsəydi, məsələni gündəmə gətirə bilərdik:
“Lakin, indiki halda, müvafiq statusda olan digər qonaqların da görüş fotolarına baxanda, eyni protokol yanaşması, yəni yalnız bir bayraq müşahidə edirik. Yəni, ortada Azərbaycanın aşağılanması kimi bir hal yoxdur, heç ola da bilməz. Azərbaycan qadınını bu mənada hədəfə çevirməklə daha vətənpərvər görünmək cəhdləri sadəcə utancvericidir. Azərbaycanın maraqlarını düşünən bir kəs Sahibə Qafarovanın İran Parlamentində Xocalı soyqırımının tanınması təşəbbüsünü diqqətdə saxlayıb bu istiqamətdə gündəm yaratmalıdır, örpək-geyim məsələsi ilə yox”.
Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP
