Xətai rayonunda, “Megafun”un binasında intihar hadisəsi qeydə alınıb. Araşdırmalar zamanı özünü binadan atan şəxsin 1999-cu il təvəllüdlü Məmmədov Elvin Asəf oğlu olması müəyyən edilib.
Hadisə yerində olan şahidlər bildirib ki, kişi özünü 15-ci mərtəbədən atıb.
O, özünü binadan atmazdan əvvəl məktub yazıb.
Məktubda qeyd edilir: “Hər şey bura qədərmiş. Həyat bəlkə də çox gözəldir, amma mən yaşamağı bacarmadım. Özünüzə yaxşı baxın. Möhkəm olun, mənə görə pis olmayın. 22 il də bəs edər. Ata, mama, qardaşım, sizi çox istəyirəm”.
Qeyd edək ki, adıçəkilən bina iş mərkəzi kimi xidmət göstərir. İntihar edən şəxsin burada yerləşən ofislərin birində çalışdığı bildirilir.Məlum olub ki, o, suvarma sistemləri üzrə fəaliyyət göstərən “Polyagro” MMC-nin mühasibidir.
Araşdırma aparılır.
Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP
