Azərbaycan Diasporuna Dəstək Fondunun və “YAŞAT” Fondunun birgə təşəbbüsü ilə Vətən müharibəsi şəhidlərinin və yaralıların ailələrinə dəstək məqsədilə təşkil edilən marafon oldiqca vacib bir təşəbbüsdür.

Bunu “Olaylar”a deyən yazıçı-publisist Yunus Oğuzun sözlərinə görə, sözügedən marafon bu gün olduqca vacib bir məsələni həll edir: “Yaşat” Fondu tərəfindən Vətən müharibəsi qaziləri və şəhid ailələrinə kömək göstərilməsi, onların problemlərinin həll edilməsi hökmən lazımdır. Amma daha bir neçə vacib məsələ var. Bunlardan birincisi müharibədə iştirak edən qazi və şəhid ailəlrinə  köməkdirsə, ikincisi xaricdə yaşayan azərbaycanlılarımızın bir araya gətirilməsi, həmişə ayaqda saxlanmasıdır. Bu çox vacib bir nüansdır, çünki bu marafon soydaşlarımızı bir yerə toplayaraq onların Azərbaycan üçün dövlət məsələlərində iştirakını təmin edəcək. Marafonun üçüncü önəmi xaricdə yaşayan azərbaycanlıların özlərinin Vətənə, Azərbaycan dövlətinə və xalqına lazımlılığını hiss etməkdən ibarətdir. Bununla soydaşlarımız hiss edirlər ki, kimsəsiz deyillər, həmişə Azərbaycan dövləti ilə əlaqədədirlər və gələcək fəaliyyətlərində bu məqamdan daha da mütəşəkkil və səmərəli istifadə edəcəklər”.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP