“İlham Əliyevi Putinlə söhbət qane etməyib, yaxud Ermənistan son anda razılaşmanı pozub. “Əsir” məsələsi ətrafında baş verənlər bu iki fərqli nəticəni ortaya çıxarır”.
Bunu siyasi icmalçı Asif Nərimanlı deyib. O qeyd edib ki, hazırda maraqlı proseslər gedir: “Dünən saat 20:46-də Prezidentin mətbuat xidməti İlham Əliyevlə Putinin telefon söhbəti haqda məlumat yaydı: tərəflər Qarabağ ətrafındakı vəziyyəti müzakirə edib. 22:16-da “Sputnik armenia” bir qrup “hərbi əsir”in İrəvan yolunda olduğu xəbərini yaydı, 22:47-də Ermənistan tərəfi təyyarənin boş qayıtdığını açıqladı. Xəbər axını müəyyən ehtimallar irəli sürməyə imkan verir.
Mümkündür ki, Bakı şərtlərinin bir qisminin yerinə yetirilməsi qarşılığında “əsirlərin” bir neçəsini verməyə razı olub. Moskva görüşündən sonra Rusiya baş prokuroru İqor Krasnovun İrəvanda Paşinyanla görüşü, ardınca Əliyevin görüşünə gəlişi də bununla bağlı olub. Lakin son anda qərar dəyişdirilib”.
A.Nərimanlı bildirib ki, ilk versiyaya görə, İlham Əliyev Putinlə telefon söhbətindən mənmun olmayıb: “Rusiya “İsgəndər – M” məsələsinə, o cümlədən, 10 noyabr razılaşmasının 4-cü bəndinin yerinə yetirilməsinə lazımi həssaslıq göstərmir və Bakı qərarından vaz keçərək, təyyarəni boş göndərir, hərçənd, xəbər axının zamanı bu versiyanı zəiflədən məqamlardandır. Əliyevlə Putinin söhbətindən sonra “əsir”lərin qaytarılması xəbəri yayıldı, ardınca təyyarə boş qayıtdı.
Hələki ehtimallar bu yöndədir, hərçənd, “nə baş verib” sualı qaranlıq olaraq qalır. Bu kontekstdə Qarabağdan gələcək xəbərlər və qarşıdakı günlərdə baş verən proseslər məsələyə aydınlıq gətirməyə kömək edə bilər”.
Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP
