BMT-nin Azərbaycanın təşəbbüsü ilə COVID-19 qətnaməsi ölkəmizin daha bir uğurudur – millət vəkili (VİDEO)

Azərbaycanın təşəbbüsü ilə BMT-nin İnsan Hüquqları Şurasında COVID-19 haqqında bir qətnamənin qəbul edilməsi ölkəmizin növbəti uğuru kimi qiymətləndirilməlidir.

Bu barədə Milli Məclisin deputatı Cavanşir Feyziev dedi.

Onun sözlərinə görə, bu həm də Azərbaycanın Qoşulmama Hərəkatının sədri kimi  koronavirus pandemiyasının yayılmasının qarşısının alınmasına böyük töhfə verdiyini təsdiqləyir.

Əlbəttə, Azərbaycanın təşəbbüsü ilə BMT qətnaməsinin qəbulu ölkəmiz üçün növbəti diplomatik qələbədir. Diplomatik qələbəmizin müəllifi Prezident İlham Əliyevdir. Məhz Prezidentin təşəbbüsü ilə peyvəndin ədalətli paylanması məsələləri beynəlxalq təşkilatlarda dəfələrlə qaldırıldı.

Ermənistanın bu qətnaməyə qarşı çıxması bu ölkənin qeyri-ciddi olduğunu göstərir.