Bu gün Milli Televiziyamızın 65 illik yubiley günüdür. 65 il gecə- gündüz cəmiyyətin xidmətində və daimi diqqət mərkəzində olan AzTV uzun, çətin və şanlı bir yol keçib. Bu sözləri Milli Məclisin deputatı Cavanşir Feyziyev öz Facebook səhifəsində paylaşıb.
Təriflərə də, tənqidlərə də, təəssüf ki, hətta silahlı hücumlara da məruz qalıb. Bütün bunlara baxmayaraq yaşayıb, yaradıb və bir an da olsa öz missiyasını yerinə yetirməkdən geri çəkilməyib. Minlərlə yaradıcı soydaşlarımız ölkə tamaşaçılarının zövqünü, tələbini və gözləntilərini doğrultmaq üçün əlindən gələni əsirgəməyiblər. Xalqımız üçün göstərdikləri entuziazma və fədakarlığa görə Milli Televiziyamızda çalışmış və bu gün də yorulmadan çalışan bütün soydaşlarımıza sonsuz minnətdarlığımı bildirir və onları 65 illik yubiley münasibətilə təbrik edirəm. Milli televiziyamızı hər bir Azərbaycanlının fəxr edəcəyi bir dəyərə çevirən bütün bütün əmıkdaşlarına möhkəm can sağlığı və işlərində yeni nailiyyətlər arzulayıram. Sizin nailiyyətləriniz bütün Azərbaycanın uğurlarıdır. Uğurlarınız bol olsun.
Maraqlı xəbərləri Mediazona.az Facebook səhifəmizdən izləyin.
—————————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP
